Deputeti i Demokracisë së Re Jorgos Kumucakos, i cili është përgjegjës edhe për politikën e jashtme në partinë më të madhe opozitare i dënoi deklaratat e fundit të ministrit grek të Mbrojtjes së Panos Kammenos lidhur me Maqedoninë.

Kamenos, pardje në një intervistë për televizionin ‘Sky’ deklaroi se ‘popullata e shumicës në Maqedoni janë shqiptarë’, ‘Greqia është mbrojtës i popullatës krishtere në vendet e Ballkanit Perëndimor’ dhe propozoi krijimin e ‘një harku krishter’ në Ballkan. Ai gjithashtu konfirmoi se nuk e pranon përdorimin e termit ‘Maqedoni’ në emrin e vendit tonë.

Pikërisht për këtë, Kumucakos i dërgoi letër të hapur ministrit grek të Punëve të Jashtme Nikos Kotzias, të cilën e nënshkruan 18 deputetë të Demokracisë së Re në të cilën kërkohet që Kotzias t’i ‘sqarojë’ deklaratat e Kamenos, i cili ‘sillet me përgjegjësi kundrejt çështjeve serioze dhe krijon konfuzion lidhur me qëndrimet e autoriteve greke’, njofton AIM.

Në këtë letër Kumucakos theksoi se në kohën kur situata në Ballkan është kritike, e domosdoshme është politika e jashtme e vendit të jetë konsistente dhe përgjegjës, përcjell Telegrafi Maqedoni.